Bi erabilera, arrautzak erruteko eta haragitarako, duten hegaztiak dira honako hauek. Atlantikoko oiloen ezaugarriak dauzkate, mediterraneoko oiloengandik desberdinak direlarikarik. Pisu ertainekoak dira (arrak 3,6 Kg. ingurukoak eta emeak 2,5 Kg. ingurukoak). Kolore iluneko arrautzak erruten dituzte, belarritxo gorriak dauzkate eta hankak, horiak. Homogeneoki daude banatuta euskal baserrietan Lau barietate dago, denak ere berdin daudela osatuta oinarrizko morfologiari dagokionez: Beltza (beltza eta islada berdeak dituelarik), Gorria, Marraduna (marra gorriduna) eta Zilarra (zilar kolore edo uso kolorearen antzekoa). Bada bosgarren talde bat ere, ez da, ordea, barietate. Lepasoilak dira. Ez daukate lumarik lepo aldean, gen desberdin bat daukate eta. Produkzioko datuei dagokienez, 209 eta 220 arrautza erruten dituzte urte bakoitzeko, arrautzen batazbesteko pisua 60-65 gr.koa delarik.
 |
 |
| Euskal Oiloa. v Beltza. | Euskal Oiloa. v Gorria. |
Oilaskoak bi kilokoakizatera ere heltzen dira 14-16 aste betetzen dituztenean. Oilarrak 4 Kg.koak ere izan daitezke eta kapoiak zertxobait gehiago ere pisatzen dute. Gaur egun bada elkarte bat arraza honetako hazleak biltzen dituena. Euskal Oilozaleen Elkartea (EOE) du izena. 96 / 04 / 28an egindako erroldaren arabera, EOEko bazkideen artean lau barietateetako 557 hegazti heldu zeukaten. BESTE ZENBAIT HEGAZTI ARRAZA Laudiotarra edo Arabako ilehoria eta arraza Baskongadoa desagertutzat jotzen dira. Duela hamarkada batzuk sarri aipatzen zen abeltzainen artean eta zooteknia txostenetan Tolosako Antzara, baina Tolosakoa baino Toulousekoa zen hura. Herri bi horien izenak antzekoak zirenez, askok frantsesaren itzulpena zela uste zuten Tolosa aipatzen zenean baina bi herriren izenak dira. |
|